Hoërskool Florida se skuts het aan verskeie kompetisies deelgeneem, en skitterend gevaar.
Caitlin Oelofse en Nadine Nel het aan die Oos-Kaapse Opekompetisie van Saara deelgeneem en het onderskeidelik twee brons-en twee gouemedaljes verower. Caitlin het in die o.20-presisieklas en Nadine in die o.16-presisieklas deelgeneem.
Hulle het ook saam met Christiaan Bredenkamp aan die Satra .22-kampioenskappe deelgeneem. Daar het Caitlin ‘n goue- en bronsmedalje verower, terwyl Christiaan een goue-, twee silwer- en een bronsmedalje, en Nadine vier goue-, drie silwer- en een bronsmedalje verower het.
Caitlin en Nadine het ook vir deelname aan die Randall-kompetisie gekwalifiseer, waar hulle saam met top skut Esmari van Reenen deelgeneem het.
Christiaan, Nadine en Caitlin is tot die Suid-Afrikaanse span verkies wat aan die British Junior International .22-kampioenskappe gaan deelneem.
Het jy dalk meer inligting rakende dié storie? Stuur gerus vir ons ‘n e-pos na roodepoortrecord@caxton.co.za (sluit asseblief kontakbesonderhede in) of skakel ons by 011 955 1130.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Besoek ook ons Facebook, Twitter en Instagram blaaie om jou stem te laat tel!
