Bekker oorheers dag sewe

Hoërskool Bekker het hul stem dik gemaak nadat hulle vir President 42-0 slae gegee het op dag sewe van die Roodepoort Rugbyklub Hoërskole-reeks.

Wat eintlik ‘n taai kragmeting moes wees het die Magaliesburg-span op ‘n drafstap gewen. Bekker het reeds teen halftyd met 29-0 voorgeloop en President se doellyn altesaam ses keer oorgesteek.

Hoërskool Roodepoort (Roodies), wat vir President met slegs twee puntjies geklop het, se broeke behoort nou te bewe want Bekker en Roodepoort moet mekaar nog pak. Dié wedstryd vind op Maandagaand 12 Augustus plaas en behoort iets te wees om na uit te sien.

Bekker is duidelik hier in Roodepoort vir een rede – om wraak te neem na verlede jaar se teleurstellende nederlaag in die halfeindstryd teen Trinityhouse (2012 se uiteindelike Afdeling B-kampioen).

In hulle wedstryd teen President het Bekker die botoon gevoer. Hul basiese vaardighede lyk skerp, die enjinkamer voor is vuurwarm en die agterlyn het ‘n paar gevaarmanne, veral die binnesenter Henning Buitendag.

Henning was onstuitbaar en President-spelers wat gereeld agter die pale moes staan, het kort-kort geskerts, “Ons moet hom slag”. Dit het net by praat gebly en die senter – een van ses Bekker-eerstespanspelers – was skitterend op die aanval. Hy het boonop ‘n paar keer gaan druk en, o ja, talle kere sy spanmaats doellyn se kant toe gestuur.

Roodies, wat vir hulle tweede agtereenvolgende oorwinning in die reeks met 29-8 oor Alberton geseëvier het, sal nietemin hulle storie teen Bekker moet ken.

Bekker se o.15’s het ook gekook en vir Kagiso se o.15’s ‘n rugbyles van 61-0 geleer.

Uitslae tot en met Dinsdag 6 Augustus:

Maandag 22 Julie:

• Vorentoe 18-15 Bryanston

• Monument 16-9 Marais Viljoen

• HTS Witbank 21-5 Kempton Park

• Potch Volkskool 18-8 Noordheuwel

• Noordheuwel XV 5-13 Trinityhouse

• Bracken High 5-0 Die Burger

• Krugersdorp High 21-5 Fourways

• Monument o.15 15-2 Bastion o.15

• Jan Viljoen 4-16 HTS Carel de Wet

• Bekker o.15 46-8 Allen Glen High o.15

 

Woensdag 24 Julie:

• Alberton High 26-8 Bastion XV

• Bastion 39-2 HTS Elspark

• Monument o.15 23-16 Potch Volkskool o.15

• Vorentoe 10-5 Elsburg

• Bekker o.15 51-0 Die Burger o.15

 

Vrydag 26 Julie:

• Primrose 44-7 Queens

• HTS Carel de Wet 32-13 Grenswag

• Noordheuwel XV 0-34 Bastion

• Fourways 26-18 Allen Glen High

• President XV0-32 HTS Nic Diederichs

 

Maandag 29 Julie:

• Alberton High 44-20 Vorentoe

• Jan Viljoen 31-16 Grenswag

• HTS Rustenburg 8-57 Menlopark XV

• Die Burger o.15 26-5 Kagiso o.15

• Randpark 16-2 Queens High

• Bracken High 0-50 Fochville

 

Woensdag 31 Julie:

• Fochville 53-0 Elspark XV

• HTS Rustenburg 15-8 Sasolburg

• HTS Elspark 5-55 Linden

• Monument 22-16 HTS Witbank

• Allen Glen 2-14 HTS Nic Diederichs

• Primrose 34-0 Kagiso

• Bekker 13-5 Alberton

• President 16-18 Roodepoort

 

Vrydag, 2 Augustus:

• President XV 5-50 Krugersdorp High

• Queens High 40-0 Kagiso

• Alberton High 42-10 Bryanston

• HTS Nic Diederichs 15-10 Fourways

• Florida XV 39-28 Grenswag

• Menlopark 18-5 Florida

 

Maandag 5 Augustus:

• Potch Volkskool 10-38 Florida

• Primrose 0-32 Randpark High

• HTS Witbank 13-8 Marais Viljoen

• Florida XV 5-45 Jan Viljoen

• Linden 50-5 Trinityhouse

• Allen Glen 51-0 President XV

• Monument 55-0 Kempton Park

• AH Sasolburg 8-62 Menlopark XV

• Menlopark 72-2 Noordheuwel

 

Dinsdag 6 Augustus:

• Kagiso o.15 0-61Bekker o.15

• Allen Glen o.15 26-18 Die Burger o.15

• Bekker 42-0 President

• HTS Rustenburg 0-20 Riebeeckrand

• Alberton 8-29 Roodepoort

 

Bepalings vir Woensdag 7 Augusts:

• Allen Glen teen Krugersdorp High

• Florida XV teen HTS Carel de Wet

• Bastion XV teen Vorentoe

• Potch Volkskool teen Menlopark

• Fochville teen Die Burger

• Marais Viljoen teen Kempton Park

• Bastion o.15 teen Potch Volkskool o.15

• Florida teen Noordheuwel