Local news
Plaaslike kerk hou jaarlikse basaar met karnaval tema
Almal het hulle gate uit geniet by die verskeidenheid van vermaaklikhede by die kerk
Die NG Kerk Witpoortjie het hulle jaarlikse basaar met ‘n ‘anderse tema gevier.
Voorsitter en sameroeper van die basaar, Maureen Jordaan het verduidelik dat sy bietjie iets anders wou doen as die gewone en het daarom besluit op die karnaval tema.
“Behalwe vir die kosstalletjies, was daar ook ‘n biertuin en ‘n pretpark wat op Laerskool Dr Havinga se velde gehou is vir die jong klomp. Daar was selfs ook ‘n poppekas gehou deur Jakkie Louw voor sy groot vertoning die aand,” het ds Rudolph Botha verduidelik.
Maureen het bygevoeg dat daar ook ‘n sokkie gehou was vir die jeuggroep die aand voor die basaar.
