Kruiners verwelkom sy nuwe graad 1-maatjies
Hier is hulle, Kruiners se Graad 1-groep van 2023. Party het met 'n huppel in hul stap opgedaag en sommer vinnig-vinnig van hul ouers vergeet. Vir ander, het die trane geloop en hy of sy aan pa vasgeklou asof hulle weermag toe gaan.
Honderde nuwe graad 1-leerders is op Dinsdag, 10 Januarie by Laerskool Helderkuin vir die 2023-skooljaar verwelkom.
Party graadeen-paddabene het met ‘n huppel in hul stap opgedaag en sommer vinnig-vinnig van hul ouers vergeet. Vir ander, het die trane geloop en aan pa of ma vasgeklou asof hulle weermag toe gaan.
Lees ook: Excited Grade 1’s talk about starting school
Sulke traantrekker-oomblikke is juis voorspel en het die skool se leiers van 2023 voorsienning gemaak deur vir mamma ‘n pakkie tissues te verskaf met die boodskap op ‘Liewe mamma. Ons verstaan …’
Alhoewel dit nie die eerste amptelike skooldag was nie, slegs oriëntering, het skoolhoof Peet Badenhorst verduidelik, “Ons begin bietjie vroëer met die graad RR, R’e en 1’s sodat hulle die skool beter kan leer ken en, soos die Engelsman sal sê, shake off the first day jitters.
Lees ook: GDE confirms 268 192 Grade 1 and 8 learners already placed for 2023
“Die eerste dag van grootskool kan vir kinders oorweldegend en vir ouers senuweeagtig wees, maar by Kruiners is ons ‘n familie. U kind is in goeie hande en wanneer u kind afgelaai word is die juffrou soos ‘n tweede mamma … die kind moet steeds homself wees en dit geniet.”
Die graad 4’s het ook oriëntering gehad en volgens Peet is dit selfs vir hulle ‘n groot stap gewees aangesien hul grondslagfase heeltemal verby is.
“Hulle wissel nou klasse en skryf toets so die verantwoordelikheid is groter.”
Om af te sluit het die hoof gesê alles het goed verloop en hulle sien uit na ‘n skouer-aan-die-wiel jaar.
