Local newsNewsSchools
Sonskynland maats leer oor beskermersberoepe
Dié geleentheid het beslis talle vonke veroorsaak wat toekomstige loopbane aanbetref.
![](https://images.caxton.co.za/wp-content/uploads/sites/20/2022/06/IMG-20220612-WA0004_60171.jpg)
Leerders van Laerskool Horison se Sonskynland het onlangs ‘n opwindende voorsmakie gekry van wat verskeie beskermersberoepe behels.
![](https://images.caxton.co.za/wp-content/uploads/sites/20/2022/06/IMG-20220612-WA0014_49235-520x390.jpg)
Die kleuterskool se speelgroepie, asook hul Graad RR- en Graad R-leerders het alles geleer oor alledaagse helde en hul rol in die gemeenskap.
![](https://images.caxton.co.za/wp-content/uploads/sites/20/2022/06/IMG-20220612-WA0009_13175-520x390.jpg)
Die maats het boonop die geleentheid gehad om soos hul gunstelingbeskermer aan te trek, en hul klasmaats meer oor daardie beroep te vertel. Die speelgrond was dus vroeg-vroeg gevul met ywerige dokters, verpleegsters, brandweermanne en polisiebeamptes, om net ‘n paar te noem.
![](https://images.caxton.co.za/wp-content/uploads/sites/20/2022/06/IMG-20220612-WA0011_20538-520x390.jpg)
Dié geleentheid het beslis talle vonke veroorsaak wat toekomstige loopbane aanbetref. Die Sonskynland-onnies vertrou dat die maats die geleentheid geniet het, en baie daaruit geleer het.