Ouers word uitgenooi om hul pragtige babas tussen die ouderdom van ses maande en drie-en-‘n-half jaar oud in te skryf vir die jaarlikse El Cupid Babakompetisie.
Hierdie jaar sal dit die 11de maal wees dat El Cupid hul babakompetisie ten bate van die Kankervereniging van Suid-Afrika (CANSA) aanbied. Die kompetisie word op 26 Oktober gehou en begin om 8vm.
Ouers kan hulle kleingoed in verskillende kategorieë inskryf, naamlik ses tot 12 maande; een tot twee jaar; en twee tot drie-en-‘n-halfjaar. Daar sal ‘n eerste prys in elke ouderdomsgroep en ‘n prys vir die vriendelikste baba wees. Daar sal ook gelukstrekkings gedurende die dag plaasvind.
Inskrywingsvorms is beskikbaar by El Cupid se kantore, Beginstraat 9, Krugersdorp-Noord. Die foto’s kan per epos gestuur word na info@elcupidestates.co.za of per hand by die kantoor afgelewer word. Foto’s sal ook op die perseel geneem word.
Die sluitingsdatum is 22 Oktober. Vir enige inligting of navrae, kontak 011 953 4115 of vir Sonia by 083 978 7892.
