Die West Suburbs Roodepoort Neighbourhood Watch (WSRNW) se Kersfeestrok was verlede jaar so populêr dat hulle vanjaar tydens die feesseisoen meer roetes en langer gaan ry.
Hulle beplan ook ‘n paar nuwe bestemmings.
WSRNW se woordvoerder Frik van Zyl het vertel, “Ons optog brei uit om ander minderbevoorregtes in te sluit. Hierdie jaar se optog sal langer duur om meer mense te bereik. Ons gaan ook ouetehuise en plekke van veiligheid besoek om hierdie feestyd vir ander mense lekker te maak en ook iets terug te gee aan ons gemeenskap en medemens.
“Ons gaan onder andere by Oord 911 in Newlands, Have a Heart Sentrum en Rainbow Haven ‘n draai maak. Ons gaan ook weer Claremont toe sodat Kersvader lekkergoedpakkies daar kan uitdeel.”
Die roetes is vanjaar as volg:
• 10 Desember – Zonneveld en Senior Park, en Dromedarisstraat en omliggende areas
• 11 Desember – Witpoortjie tussen Boshoff- en Paynestraat, en Lekkerrus Omgee Sentrum. Daarna sal die trok ‘n draai by Witpoortjie Spar maak
• 12 Desember – Florama Ouetehuis en die Have a Heart Sentrum, asook Roodepoort-Wes en omliggende gebiede
• 13 Desember – Lindhaven, Reefhaven en Grobler Park, asook Lindhaven Winkelsentrum
• 14 Desember – Hawes in die Krugersdorp-area
• 17 Desember – Witpoortjie: Pennystraat tot by Koebergstraat, en stop by Hoërskool Bastion
• 18 Desember – Newlands en Claremont
• 19 Desember – Koeberg- tot by Prootstraat
• 20 Desember – Horison en omliggende areas sowel as Wilrogate Inkopiesentrum
• 21 Desember – Proot- tot by Quelleriestraat, met die laaste stop by Witpoortjie Pick n Pay teen omstreeks 10nm.
Vir verdere navrae kontak vir Annette van Rensburg by 082 574 3039 of Frik Van Zyl by 084 581 9223.
Do you perhaps have more information pertaining to this story? Email us at roodepoortrecord@caxton.co.za (remember to include your contact details) or phone us on 011 955 1130.
For free daily local news on the West Rand, also visit our sister newspaper websites
Remember to visit our Facebook, Twitter and Instagram pages to let your voice be heard!
