“Die driedagwedren was ‘n uitdaging vir my en by tye baie moeilik, maar ek sal dit definitief weer doen,” het Shaun Botha gesê.
Hy is ‘n Graad 11-leerder van Hoërskool Bastion, en het onlangs aan die Liberty Waterberg-driedagwedren deelgeneem, waar hy en sy spanmaat, Johan Claassen ‘n algehele 10e plek behaal het. “Dit was die eerste keer dat ek as deel van ‘n span deelgeneem het en ek is baie bly dat ons sulke goeie resultate gekry het,” het hy met ‘n breë glimlag vertel.
Hy het in die laerskool begin fietsry en die eerste kompetisie waaraan hy deelgeneem het, was die Spur-skolereeks. Namate sy vertroue gegroei het, het groter kompetisies sy aandag begin trek. Hy het onder andere aan die USN-, Nissan Trailseeker-, Silverstar Mountain Biking- en ook die Magalies Monster-kompetisie deelgeneem.
Ander prestasies wat hy al behaal het, sluit in:
• Nissan TrailSeeker Gauteng (halfmarathon) tweede plek
• Bestmed Berge en Dale (40km) vyfde plek
• USN MTB Cup #1 (30km) vierde plek
• Nissan Trailseeker GP #5 (halfmarathon) 13de plek
• 947 MTB Challenge (55km) 138ste plek
• Land Rover Menlyn Trailseeker (40 km ride) vierde plek
• Silverstar MTB Challenge (40km) 14de plek
• Nissan Trailseeker GP #3 (halfmarathon) 24ste plek
• Land Rover Menlyn Trailseeker (40 KM Ride) tweede plek
“Hartlik geluk met hierdie prestasies, Shaun! Ons is opgewonde om te sien hoe hierdie passie van jou, jou tot hoër hoogtes sal neem,” het Monique Naudé, die skool se skakelbeampte gesê.
Het jy dalk meer inligting rakende dié storie? Stuur gerus vir ons ‘n e-pos na roodepoortrecord@caxton.co.za (sluit asseblief kontakbesonderhede in) of skakel ons by 011 955 1130.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Besoek ook ons Facebook, Twitter en Instagram blaaie om jou stem te laat tel!
71 Comments