Daar is drie tipe mense in die wêreld. Dié wat kan spel – en dit weet, dié wat nie kan spel nie – en skaam is daaroor en dié wat nie kan spel nie en maak asof hulle nie omgee nie.
Laerskool Horison het hul jaarlikse spelkompetisie gehou en dit was vol van dié wat kon spel en dit geweet het.
Dit het die leerders se indrukwekkende taalvaardighede ten toon gestel terwyl hulle almal om die titel van spelkampioen meegeding het.
Hierdie kompetisie het bestaan uit leerders van graad 4–7 wat almal gretig was om hul spelvaardighede te bewys.
Volgens navorsing is spelling ‘n noodsaaklike vaardigheid vir laerskoolkinders om te leer, aangesien dit hulle help om effektief te kommunikeer, ‘n sterk grondslag vir hul opvoeding bou en hulle help om ander vakke te leer.
Maria-Lise Pieters, die hoof van die skool se Engelse Departement, het genoem dat die eerste rondte van die kompetisie begin het met die leerders wat speltoetse geskryf het. Daarna het die top 10 van elke graad aan die kompetisie deelgeneem. In die finale rondte het die topspellers van elke graad teen mekaar te staan gekom.
“Hierdie is ons jaarlikse kompetisie waar ons leerders hul spelvaardighede toets. Ons doen dit as ’n akademiese inisiatief om die spelling van ons leerders te help verbeter terwyl ons pret het,” het sy gesê.
Die atmosfeer van die kompetisie was elektries, met die leerders, onderwysers en ouers wat die deelnemers aangemoedig het terwyl hulle hul pad deur navigeer, en aan die einde het Iranhnay Schutte (graad 4), Donovan Gadney (graad 5), Anabelle Schutte (graad 6), en Xanté Harper (graad 7) as wenners uit die stryd getree.
