![](https://images.caxton.co.za/wp-content/uploads/sites/20/2022/09/302399928_164185717_13503.jpg)
Laerskool Helderkruin se Janiké Meintjies het onlangs haar skool se naam hoog gehou tydens die Sentraal-Gauteng Gimnastiekkompetisie.
![](https://images.caxton.co.za/wp-content/uploads/sites/20/2022/09/302510815_164185719_06508-520x390.jpg)
Die kompetisie het in Pretoria plaasgevind waar dié graad 6-leerder in die Vlak 7-kategorie deelgeneem het.
Janiké het gedurende die geleentheid drie bronsmedaljes verower op balk, vloer en sprong. Sy het ook haar Sentraal-Gauteng-kleure verwerf en gaan van 8 tot 10 September aan die Provinsiale kompetisie deelneem.
Die Kruiner-familie is trots op Janiké se puik prestasie en wens haar sterkte toe met die kompetisie wat voorlê.