Hoërskool Bastion spog met hulle volgende Antjie Krog.
Lanya Lourens, wat aan vanjaar se Kreatiewe Skryfkompetisie deelgeneem het, het met meer as 1 000 leerders gekompeteer. Sy het uiteindelik met die tweede plek weggestap.
Die jaarlikse Kreatiewe Skryfkompetisie vir hoër- en laerskoolleerlinge word deur Beeld in Onderwys aangebied om aan die leerders die geleentheid te gee om hulle skryfvaardighede te verbeter, hul talente teen dié van ander talentvolle skrywers op te weeg, en om erkenning daarvoor te kry.
So lees haar skryfstuk: “My Suidoostewind. My Suidoostewind wat my blare eens liggies geritsel het. My Suidoostewind wat eens sag met my gepraat het. My Suidoostewind wat eens my siel se vlam kon aansteek … Hy het ‘n ander rigting gedraa i… Hy het my net daar gelos in herfs en weggewaai.” — Lanya Lourens.
