Die ouers, leerders en onderwysers van Laerskool Dr Havinga het weereens hul harte en beursies oopgemaak om te verseker dat Kersfees vir almal onvergeetlik sal wees.
Corné Jansen van Vuuren, die organiseerder van die insameling wat jaarliks vir die Polisie se Weduwee- en Wesefonds gehou word, het verduidelik, “Ons is al die afgelope 18 jaar by die Weduwee- en Wesefonds betrokke, waar ons geskenke insamel vir die kinders wat hul ouers gedurende die jaar verloor het.”
Kapelaan Christman Krige, wat die geskenke namens die Fonds ontvang het, het gesê, “Omdat dit hierdie gesinne se eerste Kersfees sonder ‘n ma of pa gaan wees, wil ons hulle herinner dat hulle nie vergete is nie en dat ons aan hulle dink”.
Corné het gesê dat hulle vanjaar 50 geskenke kon oorhandig, “Ons is so dankbaar vir elke ouer en leerder wat bygedra het, hetsy deur ‘n geskenkie of ‘n kontantdonasie. Sonder julle sou ons projek nie elke jaar ‘n sukses kon wees nie.”
Die geskenke gaan tydens ‘n pretdag aan die gekose kinders uitgedeel word. “As daar enige iemand is wat meer te wete wil kom oor ons onderskeie projekte, kan hulle my kontak by 083 655 9783,” het Christman gesê.”
Het jy dalk meer inligting rakende dié storie? Stuur gerus vir ons ‘n e-pos na roodepoortrecord@caxton.co.za (sluit asseblief kontakbesonderhede in) of skakel ons by 011 955 1130.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Besoek ook ons Facebook, Twitter en Instagram blaaie om jou stem te laat tel!
