Standerton Gholfklub se spelers was gereed om op Woensdag 8 September hul vaardighede in ‘n 9-putjie- en 18-putjie kragmeting te toets.
Deon Grimsell het met sy 18 punte eersgenoemde wedywering in IPS-formaat by die Standerton Buiteklub beklink.
Nick Momberg en Freddie Welmans het in die tweede en derde plek ingeskuif, albei met 17 punte, gevolg deur Wian Starbuck met 14 punte.
Lourie Nel en Donnie Taljaard het albei 13 op die telkaart ingevul.
Tydens die tweede wedywering het Joré Nortjé die septer geswaai met 38 punte, gevolg deur Malan van der Merwe, ook met 38.
Die driestuks van Herman Mynhardt, Werner van der Merwe en Gerrit Coetzee het 37 punte aangeteken, terwyl Nico Lombard 35 punte behaal het.
Julene Willemse en Daan Naudé het albei 34 op die telkaart ingevul, gevolg deur Louis Gravett met 33 en Patrizia Lombard met 32.
Die Maandelikse Beker het op Saterdag 11 September ‘n aanvang geneem waar 34 spelers mekaar die stryd aangesê het.
Gerrit Coetzee het ‘n klinklare oorwinning in die A-afdeling behaal met ‘n netto van 68, gevolg deur Juan Nortjé, Andrew Harper en Casper Roux elk met 70.
Jannie Nichols en RJ Kinnear het albei ‘n netto van 72 aangeteken, terwyl Ronald Kinnear 74 en Waldie van der Westhuizen 76 op die telkaart ingevul het.
Aldo Arnaldi het in die B-afdeling geseëvier met ‘n netto van 68, gevolg deur Deon Grimsell en Johan Brink met 69.
Heinrich Burger en Nico Lombard het 70 aangeteken, met Johann van Rensburg, Tertius Brits, Herman Mynhardt, Louis Gravett en Innocent Dhladla se strawwe mededinging wat op ‘n netto van 72, vir elkeen, geëindug het.
Nick Momberg was onoorwonne in die C-afdeling met 40 punte, gevolg deur Wian Starbuck met 37 en Phillip du Preez met 34.
Gerrit Nel en Clifford van Vuren het albei 30 punte op die telkaart ingevul, gevolg deur Frans Cronjé met 22 en Fanie Botha met 20 punte.
