Colin Munro van Standerton raap robal se mansenkelspeltitel op
“Standerton is nie ’n groot klub nie en ons is trots dat vier van ons spelers die span gehaal het,” het Elrina Greaves gesê.
Colin Munro van Standerton Rolbalklub het hom onderskei by ‘n Ontwikkelingstoernooi wat die naweek van 24 tot 26 April in eMalahleni (Witbank) gehou is.
Munro het die mansenkelspeltitel verower en was lid van die mansspan wat as wenners uit die stryd getree het.
Mpumalanga-Wes, bestaande uit klubs van Standerton, Secunda, Ermelo, Bethal, Middelburg, Witbank en Groblersdal het teen Laeveldklubs te staan gekom.
Mpumalanga-Wes het 10 mans- en 10 vrouespelers gehad, met Desmond Visser en Munro in die mansspan en Salomé Visser en Charmaine Smith in die vrouespan.
“Standerton is nie ‘n groot klub nie en ons is trots dat vier van ons spelers die span gehaal het,” het Elrina Greaves gesê.
Spelers het aan viere, driespel, pare en enkels deelgeneem. In die uitdunne het Visser haar enkelwedstryd teen die Laeveld gewen en algeheel tweede geëindig.
Sowel die mans- as vrouespan van Mpumalanga-Wes het geseëvier.
‘n Ander span van Standerton Rolbalklub, naamlik André en Annatjie de Bruto, Elrina Greaves en Willie Schneider het Saterdag 24 April by Frankfort se geborgde dag meegeding.
Frankfort het die kompetisie gewen.
Die Standertonners het een wedstryd gelykop gespeel, een gewen en een verloor teen die wenners van die dag.
