Laerskool Secunda dansers neem aan aanlynkompetisie deel

SECUNDA – Die inperkingstyd het nie leerders van Laerskool Secunda gekeer om in danssport deel te neem en te presteer nie.

Van die dansers van Laerskool Secunda het tydens die inperkingstyd aan ‘n aanlynkompetisie teen verskeie ander skole deelgeneem.

Elke danser moes hul eie dans opneem en is aanlyn daarvolgens beoordeel.

Die leerders wat in die uitvoerende kunste dansafdeling presteer het, is Jerita Fouche (eerste in vlak 3 en 4), Mielan Prinsloo (eerste in vlak 2), Ilany van der Merwe (vyfde in 0/9-afdeling) en Laikyn Boyce (derde in 0/7-afdeling).

In die ritme- en bewegingafdeling het Fouche weer eens presteer en tweede geëindig in die vlak 3 en 4-afdelings terwyl Prinsloo tweede geëindig het in die vlak 2-afdeling en Boyce eerste in die 0/7-afdeling.

Cherinque Grober het derde geëindig in die 0/11-afdeling en Michelene Mathee het vyfde geëindig in die 0/9-afdeling.