Secunda-atlete verower vele trofeë
Toeskouers en atlete geniet middag/aand byeenkoms
SECUNDA – Hoërskool Secunda se atlete het behoorlik uitgeblink op ‘n Prestige-atletiekbyeenkoms wat op Vrydagaand, 31 Januarie by Secunda stadion aangebied is.
Natsidiso Makgato van Hoërskool Secunda is as die beste junior dogter en junior Victrix Ludorum aangewys.
Die ander atlete van Hoërskool Secunda wat trofeë ontvang het, is Siyanda Mkhanza (beste junior seunsnaelloper en junior Victor Ludorum), Ronnie Tshabalala (beste senior seunsnaelloper), Tiaan de la Rey (beste hekkiesatleet), Liane Parks (beste middel- en langafstandatleet onder die junior dogters), Brilliant Mahlangu (beste middel- en langafstandatleet tussen die junior seuns), Sharona Klein (beste middel- en langafstandatleet by die senior dogters), Ryan Erasmus (beste spronge), Jessica van den Berg (beste junior dogter in worpe), Nicole Lindeque (beste senior dogter in worpe) en Ian Morgan (beste junior seun in worpe).
Meer foto’s beskikbaar hier:
https://www.citizen.co.za/ridge-times/154223/galery-atlete-presteer-prestige-atletiekbyeenkoms/