Green Stars en Maximed is in ‘n stryd gewikkel om die topposisie in die Standerton Krieketklub se Besigheidsliga.
Albei spanne het 16 punte elk.
Sondag se uitslae is: In Blinders se kragmeting teen Green Stars, het Green Stars eerste gekolf en 184 lopies in 20 beure aangeteken.
Blinders kon slegs 84 aanteken wat ‘n Green Stars-sege van 100 lopies beteken het.
In Van Wyk Eiendomme se wedstryd teen Seriti, het Van Wyk Eiendomme eerste gekolf en 203 lopies in 20 beurte aangeteken.
Seriti het 115 in 20 beurte aangeteken en Van Wyk Eiendomme het met 88 lopies gewen.
Seriti het teen Holmdene te staan gekom waar Holmdene eerste gekolf en 212 lopies in 20 beurte aangeteken het. Seriti het 196 aangeteken en Holmdene het die wedstryd met 16 lopies beklink.
Die komende naweek sal Holmdene teen Van Wyk Eiendomme Saterdag om 2nm kragte meet, Van Wyk Eiendomme teen Green Stars Sondag om 10vm en Blinders teen Maximed Sondag om 2nm.
