Standerton Krieketklub besigheidsliga voort op ‘n drafstap
Eerskomende naweek sal geen wedstryde plaasvind nie.
Standerton Krieketklub het oudergewoonte die Piet van den Berg-ovaal ingespan vir die besigheidsliga op Saterdag en Sondag.
Seriti het op die eerste dag teen Maximed te staan gekom en 159 lopies in 20 beurte aangeteken, waarna Maximed 160 lopies in 19.4 aangeteken het en ‘n oorwinning van sewe paaltjies beklink het.
In Van Wyk Eiendomme se kragmeting teen Blinders, het Blinders eerste gekolf en is vir 116 uitgeboul.
Van Wyk Eiendomme het die telling verbygegaan en met nege paaltjies gewen.
In Maximed se wedstryd teen Standerton Elite Academy, het Aabdemy 154 in 20 beurte aangeteken, waarna Maximed 155 in 19.3 beurte gemaak het en gevolglik met vier paaltjies gewen het.
Green Stars het eerste gekolf in hul wedstryd teen Holmdene en 195 in 20 beurte aangeteken, waarna Holmdene slegs 135 aangeteken het. Green Stars het met 60 lopies gewen.
Eerskomende naweek sal geen wedstryde plaasvind nie.
