Standerton Krieketklub se T20 Besigheidsliga het op Saterdag 22 en Sondag 23 Junie by die Piet van den Berg-ovaal begin en spanne het dit in die verskillende wedstryde uitgespook.
Die uitslae is:
Blinders het teen Standerton Elite Academy te staan gekom op die Saterdag en Satnderton Elite Academy het eerste gekolf en 205/2 aangeteken.
Blinders kon slegs 131/3 aanteken en Academy wen met 74 lopies.
Holmdene het daarna die Sondag teen Standerton Elite Academy meegeding.
Holmdene het in hull kolfbeurt 144 aangeteken en Academy 119 met die uitslag ‘n sege van 25 lopies in Holmdene se guns.
In die Seriti teen Green Stars-wedstryd het Seriti 150 aangeteken en Green Stars was almal uit vir 67 met ‘n oorwinning van 83 lopies vir Seriti.
Maximed het in hulle wedstryd teen Van Wyk Eiendomme 159 in 20 beurte aangeteken met Van Wyk Eiendomme wat slegs 145 kon aanteken.
Maximed het die wedstryd met 14 lopies beklink.
In die naweek se kragmetings het Blinders teen Holmdene op Saterdag te staan gekom en Standerton Elite Academy teen Green Stars Sondag om 8vm, Maximed teen Holmdene om 11vm en Blinders teen Seriti om 2nm.
In die Blinders teen Holmdene-wedstryd het Holmdene eerste gekolf en 165 aangeteken waarna Blinders slegs 157 kon bymekaarmaak met ‘n oorwinning gevolglik van agt lopies vir Homdene.
Tydens die Standerton Elite Academy teen Green Stars-kragmeting het Green Stars 223 aangeteken, wat die meeste is vir die seisoen vanjaar, en Standerton Elite Academy se 164 het aan Green Stars ‘n 59 lopie-oorwinning besorg.
Maximed het eerste in die wedstryd teen Holmdene gekolf en 177 aangeteken met Holmdene wat slegs 135 kon aanteken wat ‘n Maximed-sege van 42 lopies verseker het.
In die Seriti teen Blinders-wedstryd het Seriti eerste gekolf en 184 aangeteken met Blinders wat slegs 120 kon opstapel wat die span van Seriti se wen van 64 lopies beklink het.
Wedstryde vir die komende naweek sien soos volg daar uit:
Seriti vs Maximed Saterdag om 2nm.
Van Wyk Eiendomme vs Blinders Sondag om 8vm. Standerton Elite Academy vs Maximed Sondag om 11vm.
Green Stars vs Holmdene Sondag om 2nm.