#36OneMTBChallenge: Standerton Trapklublede pak uitmergelende wedren aan

Quintin Draper, Louis Meyer, Jacques Ferreira, Cobus de Wet en Attie van der Westhuizen van Standerton Trapklub het verlede naweek aan die 36One ‘MTB Challenge’ op Oudsthoorn deelgeneem.

Dié wedren het oor 36 ure geskied en die klub het hulle ’n veilige rit toegewens.

Volgens menige entoesias, is dit ’n uitmergelende wedren wat oor grondpaaie plaasvind wat steil hellings insluit.

Meyer het die wedren in ’n tyd van 18:50 voltooi, Draper in 25:18 en Ferreira in 29:13.

Van der Westhuizen het 180km in 13:08 voltooi en De Wet in 13:13.

Die klub het dié lede met hul vertonings gelukgewens.