Hoërskool Ermelo se B-rugbyspanne het op Dinsdag, 12 Maart, Morgenzon Landbou Akademie die stryd op die rugbyveld vir oefenwedstryde aangesê.
EHS se 0/15B-span het te staan gekom teen die Morgenzon 0/15A-span en het gelykop met 17 punte elk gespeel.
Carlo da Silva, Kobus van Heerden en Bongani Magagula het elk een drie vir die span gedruk en Marco de Kock skop een doelskop oor.
Die 0/16B-span van die Erries moes die knie buig voor die 0/17A-span van Morgenzon en het die stryd met ’n telling van 0-72 verloor.
Hoërskool Ermelo se tweedespan het uitstekende rugby gespeel teen die eerstespan van Morgenzon en het met ’n eindtelling van 21-19 as oorwinnaars van die veld afgestap.
Rabbie Marsh, Cabang Mbokane en Jacques Potgieter het elkeen ‘n drie vir die Erries gedruk en Robbie Brown het al drie drieë verdoel.
