Laerskool Breyten is aangewys as die alghele wenners by die Noordvaal Skole Landloop Kampioenskappe

Aan die einde van die dag is Laerskool Breyten as die algehele wenners in die Laerskoolafdeling aangewys en Hoërskool Vorentoe as die beste Hoërskool.

Laerskool Breyten se S0/11- en S0/13-landloopspanne is as die wenners in hul ouderdomsgroepe aangewys. Voor is Siphosethu Mabaso, Lunga Thembekwayo, Tumisho Nkosi, Vuyo Pule en Terrance Mnisi. Agter is Nhlakanipho Mloshwa, Webster Joseph, Siphesihle Dlamini en mnr. Johan Pyper (NWU Sport). (Foto: Verskaf)

Laerskool Breyten het Saterdag, 25 Augustus aan die Noordvaal-skolelandloopkampioenskappe deelgeneem wat deur NWU Potchefstroom aangebied is.

Skole wat deelgeneem het, is van die beste landloopskole wat gemeet en bepaal is aan die hoeveelheid provinsiale atlete in die ASA-landloopspan.

Die skole is van Gauteng-Noord, Sentraal-Gauteng, Mpumalanga, Sentraal Noordwes, Limpopo en Noordwes.

Altesaam 47 skole het deelgeneem. Laerskool Breyten het die 0/11- en 0/13-seunsafdeling gewen en die dogters het algeheel sesde geëindig.

Laerskool Breyten is as die algehele wenners in die laerskoolafdeling aangewys en Hoërskool Vorentoe as die beste hoërskool.

Laerskool Ermelo se hoof, mnr. Louis Bates (snr) het mnr. Louis Bates (jnr) en me. Brigette Bates vir hulle en die landloopatlete se harde werk bedank.

You can read the full story on our App. Download it here.