Nico en Manie vertrek na Marrokko

Nico van den Berg en mnr. Manie van den Berg van Sasol Stoeiklub vertrek Maandag, 24 April na Marokko.

Nico is deel van die Suid-Afrikaanse Junior Grieks-Romeinse stoeispan en gaan aan die Afrika Stoeikampioenskap deelneem.

Dit is Nico se vierde deelname aan die Afrika Stoeikampioenskap.

Hy het in 2014 ’n silwermedalje gewen en in 2015 goud, en is as die Afrika-kampioen aangewys.

Mnr. Van den Berg, sekretaris-generaal van Stoei Suid-Afrika en die visie-president van Afrika Stoei, gaan die Afrika Stoeikongres bywoon en ook vir Nico bystaan by die kampioenskap.