BETHAL – Die AC Kerk Vorentoegemeente het as deel van die Christenfees op Saterdag, 17 September, ’n 10km-wedloop en ’n 4.2km-pretloop aangebied onder leiding van Bethal Marathonklub.
Secunda Marathonklub het met meeste van die pryse weggestap.
Lucky Sithole van Nkangalaklub met ’n tyd van 34 minute en 39 sekondes het die ope mansafdeling gewen.
Never Mahlangu van Bethal was tweede en May Sithole van Korrektiewe Dienste derde.
May Sithole het ook die afdeling vir mans 40 en ouer gewen en Jan Mabizela van Bethel was eerste in die mans 50 jaar en ouer-afdeling.
Colin Thomas van die Nedbankklub was eerste oor die wenstreep onder die mans 60 jaar en ouer.
Meintjie Jansen van Secunda het die ope vroue-afdeling met ’n tyd van 49 minute gewen.
Jolene Carsten van Secunda was tweede en Dalene Venter was derde.
Die vroue 40 jaar en ouer-afdeling is ook deur Meintjie gewen en Phindile Malaza van Bethal het die 50 jaar en ouer vroue-afdeling gewen.
Amanda Thomas van die Nedbankklub het die afdeling vir vroue 60 jaar en ouer gewen.
Bethal Marathonklub het elke deelnemer, borg en Laerskool Marietjie van Niekerk bedank.
