SECUNDA – Sasol Rugbyklub het hul seisoen vanjaar met ’n nuwe bestuur, nuwe afrigter en nuwe truie afgeskop.
Hulle het op 8 Februarie derde in die Sewes Rugbytoernooi in Nelspruit geëindig en ook hul eerste twee vriendskaplike rugbywedstryde teen Benoni en Delmas gewen.
Sasol sou op 8 Maart hul eerste ligawedstryd teen Standerton gespeel het, maar dit het uitgereën en vind nou op 16 April plaas.
Hulle het op 15 Maart met die Hurricanes van eMalahleni (Witbank) kragte gemeet en hul wedstryd met ’n telling van 90-10 gewen.
Sasol se eerste- en tweedespanne het op Saterdag, 5 April met Ermelo kragte gemeet en Sasol se eerstespan het hul wedstryd met 33-22 gewen.
Die tweedespan het verloor en die telling was 10-14.
Deon Pruis van die eerstespan het twee drieë gedruk en vier verdoel, terwyl Koos Fourie, Willa Martin (kaptein) en Zahn Joubert ook elkeen ‘n drie gedruk het.
Hanno van Staden, kaptein van die tweedespan, het die enigste drie gedruk en die strafdoel behaal.
Wellington Mofokeng het Van Staden se drie verdoel.
Sasol Rugbyklub meet op Saterdag, 12 April kragte met Matla op Matla se tuisveld.
