Laerskool Sundra se atlete het op 27 Januarie by Laerskool Hannes Visagie op Nigel aan ’n vriendskaplike atletiekbyeenkoms deelgeneem.
Ander skole wat deel was van die byeenkoms was Laerskool Eloff, Laerskool Hannes Visagie en Laerskool Trichardt.
Ten spyte van die versengende hitte het die atlete die dag terdeë geniet.
“Baie dankie aan elkeen wat deelgeneem het. Dankie organiseerders en ons personeel. Baie geluk ook aan die medalje wenners,” het Laerskool Sundra op hul Facebook-blad laat hoor.