Laerskool Goedehoop se netbalspanne presteer
Dogters dring deur na Suid-Afrikaanse Netbalkampioenskap.
Laerskool Goedehoop spog met netbalspanne wat op die Mpumalanga-kampioenskap uitgeblink het en ook deurgedring het na die die Suid-Afrikaanse Netbalkampioenskap wat in Augustus in Boksburg plaasvind.
Die o13A-netbalspan het op 10 Junie aan die Mpumalanga Netbalkampioenskap in Nelspruit deelgeneem en tweede geëindig. Die span bestaan uit Minjon Vermaak (afrigter), Michaela Hobkirk, Jaunelize Hinrichsen, Abigail Homan, Carmi Haarhoff, Minke Coetzer, Charyn van der Merwe, Cheyenne Erasmus, Izelle Ferguson en Lezaan van der Walt (afrigter).
Laerskool Goedehoop se o12A-netbalspan het derde in Nelspruit geëindig en ook na die Suid-Afrikaanse Netbalkampioenskap deurgedring. Die span bestaan uit Mieke Fourie, Michelle Parkes (afrigter), Esmé Agenbag, Dené Byleveld, Mienke van Niekerk, Adianca Brummer, Duné Truter, Lienke van Schalkwyk en Hazel-Mari Bellingan.
Laerskool Goedehoop se o12B-netbalspan het vierde geëindig in die Mpumalanga B-kampioenskap wat op 3 Junie op Ermelo plaasgevind het. Die span bestaan uit Ziani Naudé, Zané van Rensburg, Chanel Grobler, Antoineis van der Walt, Elanie Breed, Chantel Meintjes (afrigter), Leané Thomas, Danicke Hartzer, Karien Viljoen en Minette van den Berg.
