EVANDER – Die twee mans, Zane Calitz en Christo Boshoff wat tereg staan op aanklagtes van bedrog en diefstal, het op 9 Mei weer in die landroshof op Evander verskyn.
Dit kom nadat dié twee mans op 18 Februarie vanjaar in hegtenis geneem is nadat hulle glo geld ontvang het om sonpanele vir mense op te sit en nie die werk gedoen het nie of die geld terugbetaal het nie.
Volgens die klagstaat is daar sake van Secunda, Bethal, Kriel, Kinross en selfs Brakpan teen hulle. Buiten hul hofverskyning op Evander, moes hulle ook in die howe op Bethal en Kriel verskyn.
Hul saak by die landroshof op Evander is na 20 Junie uitgestel en op 21 Junie verskyn hulle weer in die landroshof op Secunda.
Die twee is steeds in aanhouding.