Adriaan Horn (6) wat in Goedehoop Goegieland Kleuterskool is, het self besluit hy wil uitreik en iets doen vir die Hoëveldrif DBV.
Hy het ’n koerantuitknipsel van 15 jaar terug gesien toe sy ma, Tanya Horn en sy ouma na die DBV uitgereik het en gesê hy wil ook help.
Horn het sy sakgeld gebruik en met sy ma se hulp het hy serpe verkoop en dié geld gebruik om honde- en katkos, komberse en versnapperinge vir troeteldiere te koop.
Hy het dit by die Hoëveldrif DBV afgelewer.
Hy het ook plakkertjies op elke pakkie geplak wat gelui het: “Geskenk met liefde, Adriaan.”
