Jannie Nichols het op Saterdag 11 Maart sy titel as klubkampioen by die Standerton Buiteklub geslaagd verdedig. Die volledige uitslae sal so gou moontlik gepubliseer word.
Donnie Taljaard en Johan Janse van Rensburg was op 8 Maart onoorwonne in onderskeidelik ’n nege-putjie- en 18-putjie wedywering.
Taljaard het in die IPS-kragmeting met 13 punte geëindig, gevolg deur Gerrit Nel met 12.
Janse van Rensburg het oor 18 putjies op 37 te staan gekom, gevolg deur Attie Mouton met 36 en Herman Mynhardt met 35.
LEES OOK: Delmas Phoenix en Krielsaders in gelykopstryd
Sowel Wessel van der Merwe as Deon Grimsell het 34 op die telkaart ingevul, met Gerrit Coetzee wat 33 aangeteken het.
Joré Nortjé het 32 behaal, gevolg deur Francois Cronjé met 31. Ronald Kinnear en Henk Botha het albei 30 aangeteken. Kinnear het ook ’n spog-twee behaal.
In die ligawedstryde wat op 4 Maart plaasgevind het, het die Spring Chickens gelykop teen Graceland geëindig.
LEES OOK: Fit-Black held annual aerobics marathon in eMbalenhle
Die Ou Toppies B het Middelburg in ’n wegwedstryd gewen, terwyl die Ou Toppies A tuis teen Piet Retief verloor het.
Aldo Arnaldi het die vorige dag met ’n netto van 34 geseëvier in ’n kragmeting in medalformaat.
Janse van Rensburg en Vivian Sieger het albei 36 aangeteken, gevolg deur Stephen Nortjé met 38.
RJ Kinnear en Werner Mouton het albei op 39 te staan gekom, gevolg deur Nick Momberg met 40 en Patrizia Lombard met 44. Arnaldi, Janse van Rensburg en Kinnear het ook ’n spog-twee behaal.
