Hoërskool Delmas se Kokkedore voltooi laaste praktiese eksamen

So tussen die bak-en-brou en met liplekker ‘kunswerke’ aan die einde van die sessie het die klas hul prakties vir die jaar afgesluit.

7 hours ago

Ridge Times Less than a minute

Verbruikerstudie-leerders tydens hul praktiese eksamen by Hoërskool Delmas.

Die Graad 12-verbruikerstudieklas van Hoërskool Delmas het hul praktiese eindeksamen aan die einde van die derde kwartaal afgelê.

So tussen die bak-en-brou en met liplekker ‘kunswerke’ het die klas aan die hand van hul bekwame leermeester, Jorina Buitendag, hulle skool-kokkedoor-jare afgesluit.

“So het my Graad 12-leerders dan aan die einde van hul kokkedoor-jare op skool gekom. Ek wens elkeen geluk met hul uitstekende kookvaardighede en sterkte met die matriekeindeksamen wat voorlê,” het Buitendag laat hoor.