Die eienaars van Secunda Archery is trots om met 15 skuts te spog wat vir die Mpumalanga Boogskietspan gekies is.
Dié skuts het op 25 September aan die AGA Suid-Afrikaanse nasionale inter-provinsiale boogskietkampioenskap in Kimberley in hul onderskeie afdelings wat laerskole, hoërskole en volwassenes insluit, deelgeneem.
Hulle is Megan Nel, Wian Mynhardt, Brendan Venter, Pierre van Rensburg, Jana Postumus-Meyjes, Sean Postumus-Meyjes, Jessica Nel, Elana Venter, Luzhanica van den Berg, Maryam Mohammed, Amber Reiners, Charlise Roos, Neil Venter, Graham Leach en Martin Booyzen.
Die bestuur van Secunda Archery het al hulle borge wat dit moontlik gemaak het om die skuts na Kimberley te stuur, vir hul ondersteuning en bydrae bedank.
Lede van Secunda Archery oefen boogskiet elke Vrydag by Laerskool Goedehoop. Belangstellendes kan Christi Nel by 083 324 6586 skakel.
LEES OOK: Dellies versnel in snelbal
LEES OOK: GMM should advertise IDP meetings better, says Secunda AfriForum
