Belinda Stadler het in haar leeftyd meer as 500 lewens gered deur gereelde skenkings aan die SANBS bloedbank te maak.
Sy het onlangs haar 175ste eenheid bloed geskenk.
Stadler het op Piet Retief groot geword, maar het in st 9 na Balfour verhuis waar sy op die ouderdom van 16 haar eerste skenking gemaak het.
Volgens Stadler, het haar ouers se gereelde besoeke aan die bloedbank haar ook geinspireer om bloed te skenk.
“Dit was so natuurlik soos kerk toe gaan,” het Stadler erken.
Sy het in 1991 na Standerton verhuis saam met haar man en het aanhou bloed skenk by elke geleentheid wat sy kon kry.
“Om bloed te skenk is vir my meer as net my burgerlike plig, dit is vir my vreeslik emotioneel opbouend,” het sy gesê.
Stadler vorm deel van die 6% Suid-Afrikaners wat onder die O- bloedgroep val. Volgens Dot Prinsloo van die SANBS Secunda tak, het slegs 1 in 17 mense dié uiters belangrike bloed.
Buiten die emotionele loon wat verkry word vanuit die skenkings, het Stadler al talle medaljes vir haar mylpale ontvang.
LEES OOK: George blames Bethal Hospital doctor for his wife’s miscarriage
skenkers wat die mylpale bereik word ook gereeld uitgenooi na prysuitdelings en dinnees om hul te eer vir hul barmhartigheid. Die laaste medalje wat Stadler ontvang het, was om haar 150ste skenking te eer.
Die mylpaal is baie groot, vir al vir vrouens wat vanweë talle redes nie so baie bloed skenk soos manlike skenkers nie.
“Vrouens skenk algemeen minder bloed as mans as gevolg van swangerskappe, Lae yster vlakke tydens menstruele siklusse en borsvoeding,” het Prinsloo verduidelik.
Stadler het egter nooit haar eie kinders gehad nie. Sy is well bitter lief vir kinders en bied rekenaarklasse by laer- en kleuterskole aan. Stadler hits die gemeenskap aan om gereelde skenkings aan die SANBS te maak.
“Wat as jou geliefdes bloed nodig het?” is die vraag waarmee Stadler afgesluit het.
