Sasol Secunda Rugbyklub se spanne het die afgelope naweek op Bethal kragte gemeet en Sasol se eerste en tweede spanne het hul wedstryde gewen.
Sasol 1 het Bethal 1 met 41-3 geklop en die puntemakers was Ronnie Tshabalala wat drie drieë aangeteken het, Francois Myburgh wat twee drieë aangeteken het en Tyron Moolman en Ruan Groenewald wat elke een drie aangeteken het.
Sasol 2 het Bethal 2 geklop met ’n telling van 37-3 en die spelers van die wedstryd was JP Roarty (voorspeler) en Justin Jacobs (agterspeler).
Sasol se derde rugbyspan het op eMbalenhle teen eMbalenhle gespeel en in die stof gebyt met ’n telling van 31-22.
Die puntemakers van Sasol 3 was André Whittstock en Paul Strydeom wat elk twee drieë gedruk het en Luc Gerber wat een drie verdoel het.
Sasol Secunda Rugbyklub se volgende wedstryde is op 22 Junie wanneer Sasol 1 en 2 teen Witbank speel in Witbank terwyl Sasol 3 teen Standerton op Standerton gaan speel.
