Gholfspelers slyp vaardighede op Standerton se baan

Willie van Wyk se netto van 35 het hom die voortou op 3 Desember laat neem by die Standerton Buiteklub.

Johardt Swanepoel het met 48 oor nege putjies in dié medal-kompetisie geëindig.

Joré Nortjé het met 70 geseëvier oor 18 putjies, gevolg deur Stephen Nortjé wat 73 aangeteken het.

Gerhard Brits het op 74 te staan gekom, terwyl Nico Lombard en Ronald Kinnear albei 76 op die telkaart ingevul het.

Louis Bibbey het 77 aangeteken, gevolg deur Gerrit Coetzee, Werner Mouton, RJ Kinnear en Attie Mouton wat met 78 huiswaarts gekeer het.

Stephen Nortjé en Brits het albei ’n spog-twee behaal. Die klub het RJ Kinnear voorspoed toegewens in die SA o.15- toernooi wat op 9 Januarie begin het.