Die Khoi- en Sangemeenskap het op Saterdag 24 September hul erfenis behoorlik gevier.
By die oop stuk veld naby Azalea Combined School, het die swart potte op die vuur teen 10:45 geborrel van die skaapafval, stampmielies, rys en sousboontjies.
Roosterbrood was ook op die spyskaart. Mense van Secunda het ook opgedaag om aan die verrigtinge deel te neem.
Dansende kinders in tradisionele drag, het in ’n ry na die veld beweeg en is onder leiding van ’n ouer vrou, aangemoedig om voluit te gaan.
Die leier, Nita Coetzee, het gesê dat sowat 250 mense deel van hul gemeenskap vorm.
“Die kinders het twee weke aan hul danspassies geoefen,” het sy ook gesê.
’n Langarmdans vir die eerste week in Oktober is in die vooruitsig gestel.
LEES OOK: Standerton Water Treatment Plant can’t cope with demand
