Standerton-VLU se Platrand-vroue leer meer oor sojabone

“Dit was ’n sukses met 26 mense wat vir die demonstrasie opgedaag het,” het me. Carien Schabort, takvoorsitter, gesê.

Marina Schoombee

November 14, 2020

Me. Carien Schabort (voorsitter: Platrand-tak), mnr. Jannie Cloete (eienaar: Oja! Farms), me. Riëtte Strydom (skakelbeampte: Oja! Farms) en me. Berdien Scharneck (Dandelion-J). (Foto: Mari Meyer)

Die Platrand-tak van die VLU het op Woendag 3 November by Dandelion-J op die dorp meer oor sojabone geleer.

“Dit was ‘n sukses met 26 mense wat vir die demonstrasie opgedaag het,” het me. Carien Schabort, takvoorsitter, gesê.

Me. Riëtte Strydom van Oja! Farms op Middelburg het die voorbereiding van sojasop, bobotiesigare, Meksikaanse tortillas en skuimpies gedoen.

Me. Schabort het kortliks aan die Standerton Advertiser die verhittingsproses in ‘n 23meter-lange mikrogolfoond geskets met ‘n eindproduk van ‘n gaar boontjie, wat onder meer 18 persent olie, 36 persent proteïne en sowat 17 persent vesel bevat.

Taklede sal op 18 November ‘n streekafsluiting op Platrand bywoon, waar die kongresprysuitdeling vir Tambuki-streek gaan plaasvind.