Maak ’n vet rooi kring op jou kalender, die skou is om die draai

Ermeloërs word aangeraai om 5, 6 en 7 Maart in hul dagboeke aan te teken, dis weer makietie tyd by die Hoëveld Landboufees.

Piet Pompies, Ivan Roux, Jennifer Zamudio, Arno Jordaan en Ampie sal feesgangers saans vermaak.

Die Perdekampioenskap, Mej. Skou, en vertonings deur Msukaligwa Vuur- en Reddingsdienste, sal onder andere sorg vir vermaak gedurende die dag.

Die mallemeule beloof ook groot pret vir die kinders, asook die volwassenes wat dapper genoeg is, in te hou.

In die landbou-afdeling sal daar vanjaar vir die eerste keer ’n interrasskaapkampioenskap aangebied word.

Soos altyd sal daar ook met skape, beeste, perde en pluimvee geskou word.

Lees die volledige berig in die Hoëvelder.