Solidariteit Helpende Hand Mpumalanga en KwaZulu-Natal Noord-streek staan 61 studielenings toe
Die totale toekenning van studielenings staan dus op ’n R1 503 700, die hoogste nog in dié streek.
Solidariteit Helpende Hand Mpumalanga en KwaZulu-Natal Noord-streek het vanjaar aan 61 studente rentevrye studielening toegeken.
Hulle het sowat 108 aansoeke vanuit Mpumalanga en Kwa-Zulu Natal Noord ontvang.
Me. Melissa Nel, Streekskakelbeampte Mpumalanga & KZN Noord, het gesê: “Ons glo dat wanneer jy vir iemand ’n wapen gee om mee te veg, hy natuurlik makliker die oorlog sal wen.”
Met Helpende Hand se rentevrye studielenings bied hulle vir toekomstige dokters, verpleegsters, onderwysers en meer, die geleentheid om hul studiedrome ’n realiteit te maak.
Die takke vanuit Mpumalanga en KZN-Noord het R464 700 aangebied vir 24 studente uit hul takfondse en uit die streekfonds van hierdie streke is ’n totaal van R1 039 000 vir 38 studente aangebied.
Die totale toekenning van studielenings staan dus op R1 503 700, die hoogste nog in dié streek.
Die takke wat studielenings toegeken het vanuit takfondse is Barberton (R22 300), Bethal (R45 000), Cappuccino’s (R60 000), Middelburg (R45 400), Onderberg wat bestaan uit Komatipoort en Malelane (R 5000), Witbank (R90 000), Burgersfort (R19 000), Pongola (R46 500), Vryheid (R21 500) en Newcastle (R110 000).
Die lenings het gegaan aan studente van Lydenburg, Piet Retief, Secunda, Standerton, Cullinan, Bronkhorstspruit, Rayton, Volksrust, Marloth Park, Morgenzon, Ermelo, Empangeni, Dundee, Richardsbaai, Vryheid, Nelspruit, Witrivier, Witbank, Bethal en Sabie.
Kontak me. Annemarie van Heerden per epos by annemarie@helpendehand.co.za indien u wil by ’n tak in Mpumalanga of Kwa-Zulu Natal Noordstreek betrokke wil raak.
