Spelterapeut en perdekenner nooi publiek na opedag

Terapie met perde sal binnekort op Secunda beskikbaar wees.

Twee kenners, me. Soleil Kruger (spelterapeut) en me. Susan van der Merwe (perdekenner) bied more, 14 Junie, ’n opedag by Lake Umuzi aan waartydens hul die aktiwiteite wat hulle gaan aanbied, aan ouers en belangstellendes gaan wys.

Volgens me. Van der Merwe, het perde ’n natuurlike instink om ‘n mens se emosionele lyftaal te analiseer, te help met probleme en kan selfs ook kinders en volwassenes help om trauma te verwerk.

Spasie vir dié opedag is beperk en ingang is gratis.

Vir meer inligting, stuur ’n e-pos na soleilkruger@yahoo.com.