AfriForum herstel waterlek in Kosmospark

AfriForum se Standerton-tak het onlangs ‘n waterlek, waar skoon drinkwater in die stormwaterpype afgeloop het, in Kosmospark herstel.

Die tak het die waterlek geïdentifiseer ná die gemeenskap gekla het dat hulle al vir twee maande met watertoevoer en swak waterdruk sukkel.

“Water is kosbaar en daarom het ons besluit om die gemeenskap by te staan,” het mnr. Pieter Botha, takvoorsitter, gesê.

Mnr. Bronwen Pretorius, AfriForum se distrikskoördineerder vir die Hoëveld, is trots op die tak se ondersteuning aan die gemeenskap en het Clear Water Plumbing vir hulle hulp bedank.