Helpende Hand Secunda-tak samel komberse in
Helpende Hand se Ons Winkel, wat verlede jaar oopgemaak het, moes sy deure sluit omdat daar nie genoeg geld was om die huur en ander uitgawes te betaal nie.
SECUNDA – Helpende Hand en AfriForum Jeugtak het hande geneem en mnr. Koos en me. Koekie Barnard se woonstel wat op 5 Mei gebrand het, se woonstel reg te maak.
Me. Geraldine Stoffberg, voorsitter van Helpende Hand se Secunda-tak, het die slaapkamer oorgedoen, terwyl AfriForum Jeugtak onder andere die badkamer en sitkamer reggemaak het.
Die egpaar se vier kleinkinders van onderskeidelik 18 maande, vier, vyf en 11 jaar oud, het by hul oupa en ouma gekuier en oorgeslaap toe die brand ontstaan het.
Een van die kleinkinders het wakker geword toe die bank in die sitkamer begin brand het en geskreeu, waarna mnr. en me. Barnard wakker geword en agtergekom het dit brand.
Lees ook: Secunda AfriForum se jeugtakleier wil ander help
Hulle het die kinders vinnig na buite geneem en met ’n brandslang en brandblussers die vuur probeer blus.
Teen dié tyd was meeste van hul besittings egter reeds gebrand en alles het na roet geruik.
Die klere kon die egpaar darem na baie wasse weer dra, maar hulle het hul meubels, matte, komberse en ander items verloor.
Helpende Hand en AfriForum Jeugtak het deur insamelings meeste van dié items weer vervang.
Die egpaar het almal wat gehelp het om hul woonstel weer reg te maak, bedank.
Ander projekte waarmee Helpende Hand en AfriForum Jeugtak besig is, is om ’n gholfdag te beplan om te help om Bianca Fourie wat op 1 Junie ’n rugoperasie ondergaan het, se ekstra kostes te help dek en beplan ook om vir haar ’n tablet te kry om haar skoolwerk makliker te maak na die operasie as sy net mag lê en staan.
Helpende Hand se Ons Winkel, wat verlede jaar oopgemaak het, moes sy deure sluit omdat daar nie genoeg geld was om die huur en ander uitgawes te betaal nie.
