Sasol 1 en Sasol 2 klop Sichem op Potchefstroom
Sasol speel binnekort teen Witrivier en eMbalenhle.
SECUNDA – Sasol Rugbyklub het die afgelope naweek teen Sishen op Potchefstroom gespeel en Sasol 1 het Sishen met 31-27 geklop toe hulle in die laaste minute punte aangeteken het.
Werner Joubert het gesê dit was van die begin af duidelik dat albei spanne gefokus was om hulle voor te berei vir ’n seisoen van positiewe rugby.
Ruben Lello en Berty Visser het twee drieë elk gedruk.
Sasol 2 het die Potch-dorpspan met 54-24 geklop en Dirk Lowies was een van die puntemakers wat drieë aangeteken het.
Sasol 3 sou Saterdag teen Bethal op Bethal gespeel het, maar die wedstryd is gekanseleer weens reën en hulle sal later vanjaar teen Bethal uitdraf.
Sasol se eerste- en tweedespanne speel Saterdag, 7 April teen Witrivier op Witrivier, terwyl Sasol se derdespan teen eMbalenhle op eMbalenhle speel.
