Drie Errie-netbalspanne het Dinsdag, 29 Augustus, in Standerton gaan deelneem aan Gert Sibande se heel eerste Fast Five-toernooi.
Die o/15 A1-span, asook die o/17 A2-span het ongelukkig vasgeval tydens hulle groepwedstryde, nietemin is puik netbal gespeel.
Die o/17 A1-span speel skitterende netbal. In die finaal kom hulle teen Ligbron Akademie vir Tegnologie te staan.
Na ‘n gelykop-eindtelling speel dié spanne ekstra tyd en die Erries wen met 6-3!
Die EHS se o/17 A1-span maak dus geskiedenis deur hierdie nuwe toernooi te wen en gekroon te word as die o/17A – Gert Sibande-wenners van Fast Five-netbal.
Geluk aan die dogters en baie sterkte met julle wedstyde in die Mpumalanga-toernooi!
Vir meer nuus besoek gerus ons ander webblaaie.
Ridge Times, Standerton Advertiser & Highvelder
”Like” ons op Facebook en volg ons op Twitter.
