Local newsNewsReligion
Kruik se nagmark bring die gemeenskap bymekaar
Orkesoptredes, trompoppies, heerlike kos en allerlei stalletjies maak die Kruik-gemeente op Secunda se nagmark ’n reuse sukses.
Die Kruikgemeente het weer hul nagmark aangebied en vanjaar was daar nie net stalletjies nie, maar ook vermaak.
Hoërskool Oosterland se orkes het opgetree en die Babbelbekkies-minitrompoppies van Laerskool Goedehoop en die junior- en seniortrompoppies van Laerskool Secunda het toeskouers vermaak met hul stok- en vlaggieswaaitegnieke en die hoofleier se indrukwekkende septergooie.
Die mark het ’n verskeidenheid stalletjies gehad, met die Kristopher Ryan Sentrum en die Hoëveldrif DBV wat ook van die geleentheid gebruik gemaak het om geld in te samel.
Daar was heerlike sop en warm kos, interessante tuisgemaakte produkte, musiek, klere en speelgoed te koop.
Vir meer nuus besoek gerus ons ander webblaaie.
Standerton Advertiser & Highvelder
”Like” ons op Facebook en volg ons op Twitter en Instagram.
