Curro Secunda het op 21 April geld wat deur die leerders van die skool vir die Random Acts of Kindness ingesamel is, aan verskeie welsynsorganisasies oorhandig.
Voor die oorhandiging het Little Paws Big Hearts met die leerders gesels oor hoe om ‘n verantwoordelike troeteldiereienaar te word en te wees.
Die doel van die projek was om leerders aan te spoor om meer dade vir liefdadigheid te doen.
Elke leerder het ‘n klein plastiek ark ontvang en moes dit met kleingeld vul en dit aan die organisasie van hul keuse skenk.
Die leerders het besluit om die geld aan Kansa, Marietjie Skool, die DBV, Solidariteit Helpende Hand en Little Paws Big Hearts te skenk.
Curro Secunda het elke leerder en ouer bedank wat met dié geldinsamelingveldtog gehelp het en hoop dat die donasies elkeen van die organisasies sal help.