Vaalrivier VLU steek kers op by Tuinbouklub
Me. Monika Lombard, gasvrou van die VLU, het inisiatief aan die dag gelê om die voorsitter van die Tuinbouklub Standerton, me. Elize Trueman, as gasspreker tydens hul voorlaaste jaarvergadering te nooi.
Die somer het die Vaalrivier-tak VLU-vroue behoorlik lus vir vroetel in die tuin gemaak.
Me. Monika Lombard, gasvrou van die VLU, het inisiatief aan die dag gelê om die voorsitter van die Tuinbouklub Standerton, me. Elize Trueman, as gasspreker tydens hul voorlaaste jaarvergadering te nooi.
Me. Trueman het die drie belangrikste elemente van tuinmaak uitgelig.
- Vrugbare grond, lewende organismes in kleigrond het skade opgedoen weens chemiese kunsmis, onkruid en swamdoders, asook gifstowwe.
Om die skade te herstel het sy aanbeveel dat organiese kunsmis, natuurlike insek- en onkruiddoders gebruik moet word.
- ’n Gesonde balans in die grond verminder insekte en swamme.
Water, probeer twee maal per week plante diep nat te maak in plaas van elke dag net die bogrond bevog.
Sorg dat jy oor die waterbehoeftes van die verskillende plante in jou tuin ingelig is.
Lei jou tuin vroegsoggens nat en maak gebruik van neutdoppe, grondbedekkers, droë blare en klippe om verdamping te beperk.
- Tyd, neem tyd om in jou tuin te spandeer, ten minste een keer per week, sodat jy probleemplante of -gebiede wat ongesond is, aan aandag kan gee.
