Bethallers woedend oor watermeters

Meters word selfs op sypaadjies opgesit.

Inwoners is woedend oor die watermeters wat op die sypaadjies en in parkeergebiede opgerig word. Die watermeter is in die parkeergebied by PK Elektries op die hoek van Du Plooy- en Moses Kotanestraat.

BETHAL – Inwoners is die josie in oor watermeters wat bogronds in parkeergebiede opgerig word en die Govan Mbeki Munisipaliteit het nog nie kommentaar oor dié vreemde besluit gelewer nie.

Sommige watermeters word selfs op sypaadjies opgerig.

Meer as vyf motorongelukke het onlangs by Midas weens ’n watermeter plaasgevind.

Die watermeter is ’n week later geskuif.

Die watermeter by die Total-vulstasie in Vuyisile Ministraat lek glo permanent omdat dit daagliks omgery word.

’n Watermeter in die parkeergebied by PK Elektries op die hoek van Du Plooy- en Moses Kotanestraat, sowel as by Geartec in Du Plooystraat. veroorsaak ook probleme.