Vroue verkoop pannekoek
Om bestellings te plaas, skakel me. Bothma by 072 119 7989 of me. Wilna Redelinghuys by 082 457 1966.
BETHAL – Lede van die Vroue Landbou-unie (VLU) se Bethal-tak het onlangs vir hul sewende vergadering van die jaar bymekaar gekom.
Die voorsitter, me. Annemarie Bothma, het almal verwelkom en almal wat verjaar het, gelukgewens.
Me. Carien Erasmus het verhuis.
Die voorsitter het ook gesê dat me. Sophia Jordaan se man na ’n lang tyd in die hospitaal, dood is.
Die wenk vir die dag is deur me. Ella van der Merwe deurgegee.
“Gooi een teelepel sout in ’n warmsak sodat dit langer warm bly en gooi suurlemoensap oor jou wasgoed om dit lekkerder te laat ruik en om vuil kolle makliker skoon te kry, ” het me. Van der Merwe gesê.
Sy het ook vir lede gesê dat skottelgoedseep en mondspoel inkmerke op klere verwyder.
Verder het lede oor hul jaarlikse geldinsamelingsprojek gepraat en vanjaar gaan hulle pannekoek verkoop.
Die vroue gaan op 18 September pannekoeke bak en teen R3 elk verkoop.
Bestellings kan by lede geplaas word.
Vroue het ook gesê dat enige skenking soos olie, eiers, meel, suiker en kaneel waardeer sal word.
Om bestellings te plaas, skakel me. Bothma by 072 119 7989 of me. Wilna Redelinghuys by 082 457 1966.
Vir meer nuus besoek gerus ons ander webblaaie.
Ridge Times, Standerton Advertiser & Highvelder
”Like” ons op Facebook en volg ons op Twitter.
Vir nuus na jou selfoon:
BBM – 2667A726
WhatsApp – 0748877590
