SECUNDA – Van Schalkwyk, Le Roux en Venter Prokureurs en Pam Golding het die kinders van Janelle Huis van Veiligheid op Evander op Maandag, 1 Desember bederf deur met ’n vroëe Kersfees, waartydens Kersvaders geskenke uitgedeel het.
“Dit was die eerste Kersete wat ons as personeel gereël het en ek kan met blymoedigheid sê almal het dit geniet,“ het me. Adri le Roux, vernoot van Van Schalkwyk, Le Roux en Venter Prokureurs, gesê.
Personeellede van albei organisasies het hul borge vir hul bydrae bedank.
“Ons bederf graag die kinders wat ons harte met liefde vul sodat hulle besef hulle is spesiaal,” het mnr. Hendrik Landman gesê.
“Dit was ’n wonderlike ondervinding en die kinders het dit baie geniet,” het me. Petro Coetzer, huismoeder van Janelle Huis van Veiligheid, gesê.
